0
ຈໍານວນສະມາຊິກການຮ່ວມມືທາງວິຊາການລະຫວ່າງຫ້ອງສະໝຸດໃນລາວ
ປະຫັວດຄວາມເປັນມາ
ການຮ່ວມມືທາງວິຊາການລະຫວ່າງຫ້ອງສະໝຸດໃນລາວ (ກວຫ) ແມ່ນການຈັດຕັ້ງສັງຄົມໜຶ່ງ ເຊິ່ງມີພາລະບົດບາດໃນການອຳນວຍຄວາມສະດວກ, ຊຸກຍູ້ ແລະ ສົ່ງເສີມສະມາຊິກໂຄງການໃນການພັດທະນາ ວຽກງານຫ້ອງສະໝຸດ ແລະ ສູນຂໍ້ມູນຂ່າວສານ ເພື່ອບໍລິການແກ່ສັງຄົມໃນລາວ ແລະ ການຮ່ວມມືກັບສາກົນທາງດ້ານວິຊາການ, ຖືກສ້າງຕັ້ງຂຶ້ນໃນວັນທີ 25 ສິງຫາ 2005, ເລກທີ 446/ຖວ ໂດຍການຮັບຮອງຢ່າງເປັນທາງການຂອງທ່ານລັດຖະມົນຕີ ວ່າການກະຊວງຖະແຫຼງຂ່າວ ແລະ ວັດທະນະທໍາ, ເຊິ່ງ ເປັນແຫຼ່ງຂໍ້ມູນຂ່າວສານທໍາອິດທີ່ສະໜອງແຫຼ່ງຂໍ້ມູນສິ່ງຕີພິມ ແລະ ຂໍ້ມູນທາງດ້ານອີເລັກໂຕຣນິກທີ່ມີຄຸນະພາບຄວາມໄວສູງໃນລາວ. ການຂະຫຍາຍສະມາຊິກໂຄງການຮ່ວມມືໃນໄລະຍະເບື້ອງຕົ້ນປະກອບມີສະມາຊິກທັງໝົດ 12 ແຫ່ງ
ຂ່າວສານລ່າສຸດ
ຈຸດປະສົງສະເພາະໜ້າ
ຈຸດປະສົງ
ຈຸດປະສົງ
- ເພື່ອສົ່ງເສີມ ແລະ ໃຫ້ມີຄວາມສະດວກໃນການຮ່ວມມື, ການເຂົ້າໃຈເຊິ່ງກັນ ແລະ ກັນ ລະຫວ່າງຫ້ອງສະໝຸດມະຫາວິທະຍາໄລ, ສະຖາບັນ, ສູນຂໍ້ມູນຂ່າວສານ ແລະ ຫ້ອງສະໝຸດຕ່າງໆໃນລາວ.
- ເພື່ອສົ່ງເສີມ ແລະ ປັບປຸງການນຳໃຊ້ ຂໍ້ມູນຂ່າວສານຮ່ວມກັນ ຢູ່ໃນບັນດາຫ້ອງສະໝຸດ ແລະ ສູນຂໍ້ມູນຂ່າວສານຕ່າງໆໃນລາວ.
- ເພື່ອເຮັດໃຫ້ຫ້ອງສະໝຸດແຕ່ລະແຫ່ງໄດ້ນໍາໃຊ້ຖານຂໍ້ມູນທີ່ເປັນມາດຕະຖານດຽວກັນ, ສາມາດເຊື່ອມໂຍງທາງດ້ານຂໍ້ມູນຂ່າວສານ, ສາມາດຢືມ-ສົ່ງສິ່ງພິມລະຫວ່າງຫ້ອງສະໝຸດໄດ້ດ້ວຍກັນ.
- ເພື່ອສະໝອງຂໍ້ມູນຂ່າວສານ ແລະ ເອກະສານຕ່າງໆ ທັງຮູບແບບຕີພີມ ແລະ ອີເລັກໂຕຣນິກ ເພື່ອສະໜັບສະໜູນ ການຮຽນ, ການສອນ, ການຄົ້ນຄວ້າວິທະຍາສາດ ແລະ ບໍລີການແກ່ສັງຄົມທົ່ວໄປ.
- ເພື່ອເພີ່ມປະລິມານຂໍ້ມູນຂ່າວສານຈາກທີ່ມີແລ້ວນັ້ນໃຫ້ແກ່ຫ້ອງສະໝຸດສະມາຊິກການຮ່ວມມື ເພື່ອບໍລິ ການແກ່ ນັກຮຽນ, ນັກສຶກສາ, ຄູ, ອາຈານ, ນັກຄົ້ນຄວ້າ ແລະ ຊຸມຊົນ.
- ເພື່ອອໍານວຍຄວາມສະດວກໃນການພັດທະນາບຸກຄະລາກອນ ໂດຍນໍາໃຊ້ນັກວິຊາການຜູ້ຊໍານານງານ ທີ່ມີຢູ່ໃນຫ້ອງສະໝຸດ ຂອງແຕ່ລະພາກສ່ວນທີ່ເປັນສະມາຊີກ.
- ເພື່ອຮ່ວມມື ແລະ ໃຊ້ຂໍ້ມູນຂ່າວສານຮ່ວມກັນກັບອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດທີ່ມີພາລະໜ້າທີ່ຄ້າຍຄືກັນ.
ຈຸດປະສົງຍາວນານ
ຈຸດປະສົງ
ຈຸດປະສົງ
- ເພື່ອແນໃສ່ເຕົ້າໂຮມ ເອົາບັນດາຫ້ອງສະໝຸດ, ຫ້ອງສະໝຸດຂອງສະຖາບັນການສຶກສາ ແລະ ສູນຂໍ້ມູູນ ຂ່າວສານພາຍໃນປະເທດ ເຂົ້າຢູ່ໃນການຈັດຕັ້ງດຽວກັນ.
- ເພື່ອຄວາມເປັນເອກະພາບໃນການປະຕິບັດຫຼັກການ ແລະ ກົດລະບຽບບາງຢ່າງທີ່ກ່ຽວຂ້ອງກັບວຽກງານທາງດ້ານວິຊາການຮ່ວມກັນ.
- ເພື່ອຜູກແໜ້ນຄວາມສາມັກຄີ ຊຶ່ງກັນ ແລະ ກັນ.
- ເພື່ອເສີມຂະຫຍາຍຄວາມອາດສາມາດທີ່ບົ່ມຊ້ອນທາງດ້ານສະຕິປັນຍາ ແລະ ສະໝອງຂອງບຸກຄົນ ເພື່ອຊ່ວຍປັບປຸງ ແລະ ພັດທະນາວຽກງານຫ້ອງສະໝຸດ ແລະ ສູນຂໍ້ມູນຂ່າວສານ, ປະກອບສ່ວນ ເຂົ້າໃນການສ້າງສາ ແລະ ພັດທະນາປະເທດຊາດໃຫ້ນັບມື້ຈະເລີນຮຸ່ງເຮືອງ.
ໜ້າວຽກຕົ້ນຕໍ ແລະ ກິດຈະກຳຕ່າງໆທີ່ຈະປະຕິບັດ
ຈຸດປະສົງ
ຈຸດປະສົງ
- ພັດທະນາລະບົບຖານຂໍ້ມູນເພື່ອເຮັດໃຫ້ວຽກງານການລົງລາຍການປື້ມ, ວາລະສານ ແລະ ສິ່ງພີມ ມີຄວາມ ເປັນມາດຕະຖານ.
- ພັດທະນາລະບົບບັນຊີລວມບັດລາຍການປື້ມຮ່ວມກັນ.
- ພັດທະນາລະບຽບການຢືມ-ສົ່ງປື້ມລະຫວ່າງຫ້ອງສະໝຸດ ຫຼື ສູນຂໍ້ມູນຂ່າວສານທີ່ເປັນສະມາຊິກຂອງໂຄງ ການ.
- ພັດທະນາ ແລະ ຮ່ວມມືໃນການຈັດຫາຊັບພະຍາກອນຫ້ອງສະໝຸດຮ່ວມກັນ.
- ພົວພັນ ແລະ ຂໍອະນຸຍາດ ລິຂະສິດນໍາໃຊ້ຖານຂໍ້ມູນວາລະສານອີເລັກໂຕຣນິກ ທາງດ້ານວິຊາການ ຈາກຕ່າງປະເທດ ແລະ ເອົາໃຈໃສ່ບໍລິການຄຸ້ມຄອງ.
- ສົ່ງເສີມ ແລະ ສະໜອງເຕັກນິກ ການສຶບຄົ້ນ ຂໍ້ມູນອິເລັກໂຕຣນິກ ໃຫ້ມີປະສິດທິຜົນ.
- ຈັດການຝຶກອົບຮົມ ການນໍາໃຊ້ເຕັກໂນໂລຊີໃໝ່ໆ ໃຫ້ມີປະສິດທິຜົນ.
- ຈັດຫາແຫຼ່ງທຶນ ເພື່ອມາສະໜັບສະໝູນ ການດໍາເນີນໂຄງການ, ການສ້າງເປັນຫ້ອງສະໝຸດອັດຕະໂນມັດ, ການພັດທະນາ ແລະ ຈ່ອງວາລະສານອິເລັກໂຕຣນິກ ທັງພາຍໃນ ແລະ ຕ່າງປະເທດ.
ຜົນຄາດວ່າຈະໄດ້ຮັບຈາກໂຄງການຮ່ວມມື
ຈຸດປະສົງ
ຈຸດປະສົງ
- ຈະໄດ້ຮັບຄວາມສະດວກ, ຄວາມເປັນເອກະພາບທາງດ້ານວິຊາການໃນການພັດທະນາວຽກງານຫ້ອງສະໝຸດຮອບດ້ານ ເຊັ່ນ ການບໍລິຫານຈັດການ, ການຄຸ້ມຄອງ ປົກປັກຮັກສາຊັບພະຍາກອນຫ້ອງສະໝຸດ ແລະ ບໍລິການແຫຼ່ງຊັບພະຍາກອນຂໍ້ມູນຂ່າວສານໃຫ້ແກ່ ນັກຮຽນ, ນັກສຶກສາ, ຄູ, ອາຈານ, ນັກຄົ້ນຄວ້າ ແລະ ຊຸມຊົນໃຫ້ມີປະສິດທິພາບ ແລະ ປະສິດທິຜົນສູງ.
- ຫ້ອງສະໝຸດຂອງສະຊິກແຕ່ລະພາກສ່ວນຈະໄດ້ມີຂໍ້ມູນຂ່າວສານເຊື່ອມໂຍງເຊິ່ງກັນ ແລະ ກັນ