- ວິໄສທັດ, ຍຸດທະສາດ ຂອງຫ້ອງສະໝຸດວິທະຍາໄລການເງິນພາກໃຕ້ ວິໄສທັດ ຫ້ອງສະໝຸດວິທະຍາໄລການເງິນພາກໃຕ້:
ພັດທະນາຫ້ອງສະໝຸດ ໃຫ້ເປັນເລີດທາງດ້ານການບໍລິການ ຢູ່ບັນດາແຂວງພາກໃຕ້ ດ້ວຍຄຸນນະພາບໃໝ່ ທັນສະໄໝ ເຊື່ອມໂຍງພາຍໃນ ແລະພາກພື້ນ.
ທິດທາງລວມຂອງວິໄສທັດ:
ພັດທະນາຫ້ອງສະໝຸດໃຫ້ມີຄຸນນະພາບ, ສະໜອງຂໍ້ມູນ, ປື້ມ,ວາລະສານ, ວິທະຍາສາດ, ເຕັກໂນໂລຊີ ໃຫ້ພຽງພໍ ມີປະສິດທິພາບ ແລະປະສິດທິຜົນ; ສຸມໃສ່ສ້າງບັນນາລັກທີ່ເປັນມືອາຊີບ, ຮັກອາຊີບ ແລະບໍລິການຫ້ອງສະໝຸດ ດ້ວຍຈັນຍາບັນ, ຖືກຕ້ອງ, ວ່ອງໄວສາມາດກວດສອບໄດ້; ພັດທະນາຫ້ອງສະໝຸດໃຫ້ເປັນຈຸດໃຈກາງແຫ່ງການຮຽນຮູ້, ຄົ້ນຄ້ວາວິທະຍາສາດດ້ານການເງິນ-ການບັນຊີ ຢູ່ບັນດາແຂວງພາກໃຕ້.
ຍຸດທະສາດ ຫ້ອງສະໝຸດວິທະຍາໄລການເງິນພາກໃຕ້:
1. ຍົກສູງຄວາມຕື່ນຕົວທາງດ້ານການເມືອງ, ຄຸນສົມບັດສິນທໍາປະຕິວັດ ແລະການຮຽນຮູ້ຕະຫຼອດຊີວິດໃຫ້ແກ່ພະນັກງານຄູອາຈານ ແລະ ນັກສຶກສາພາຍໃນວິທະຍາໄລການເງິນພາກໃຕ້;
2. ສົ່ງເສີມພະນັກງານຄູອາຈານ ແລະ ນັກສຶກສາໃຫ້ມີການພັດທະນາ, ມັກອ່ານ, ຍົກລະດັບຄວາມຮູ້, ຄວາມສາມາດ ທາງດ້ານວິຊາສະເພາະຂອງຕົນ;
3. ເປີດກວ້າງການຮ່ວມມືດ້ານວຽກງານຫ້ອງສະໝຸດ ທັງພາຍໃນ ແລະ ຕ່າງປະເທດ;
4. ຫັນເປັນທັນສະໄໝ ດ້ານວຽກງານຫ້ອງສະໝຸດ ນໍາໃຊ້ປັນຍາປະດິດ, ສ້າງນະວັດຕະກຳໃໝ່ດ້ານວຽກງານຫ້ອງສະໝຸດ.
ພາລະບົດບາດ ແລະ ໂຄງປະກອບດ້ານບຸກຄະລາກອນຂອງຫ້ອງສະໝຸດ
1 ພາລະບົດບາດ
– ໃຫ້ບໍລິການດ້ານຫ້ອງສະໝຸດ, ເຕັກໂນໂລຊີຂໍ້ມູນຂ່າວສານ;
– ໃຫ້ບໍລິການຫ້ອງສະໝຸດ ບໍລິການອ່ານ-ຢືມ-ສົ່ງປື້ມຕໍາລາແກ່ນັກສຶກສາ ແລະບຸກຄົນພາຍນອກທີ່ມີຄວາມສົນໃຈ;
– ຄຸ້ມຄອງ, ປັບປຸງພັດທະນາ ວຽກງານຫ້ອງສະໝຸດ ແລະ ຖືບັນຊີຫ້ອງສະໝຸດ;
– ຄຸ້ມຄອງ, ປົກປັກຮັກສາຊັບສິນຕ່າງໆພາຍໃນຫ້ອງສະໝຸດ, ຈັດໝວດໝູ່ປື້ມຕໍາລາໃຫ້ຄົບຖ້ວນ ແລະ ທັນສະ
ໄໝ ຮັບປະກັນໄດ້ຄວາມສະດວກໃນການຊອກຫາ;
– ສະເໜີແຜນກ່ຽວກັບການປັບປຸງ, ພັດທະນາຫ້ອງສະໝຸດໃຫ້ມີຄວາມກ້າວໜ້າ ແລະ ທັນສະໄໝຂຶ້ນເທື່ອລະກ້າວ; ແຜນການໄປທັດສະນະຖອດຖອນບົດຮຽນກ່ຽວກັບວຽກງານຫໍສະໝຸດຢູ່ພາຍໃນ ແລະ ພາຍນອກ;
2 ໂຄງປະກອບບຸກຄະລາກອນ
ຫ້ອງສະໝຸດຂອງວິທະຍາໄລການເງິນພາກໃຕ້ ເປັນໜ່ວຍງານໜືື່ງຂອງສູນຝຶກອົບຮົມ ເຊີ່ງມີພະນັກງານທັງໝົດ 04 ທ່ານ: ຄະນະຂະແໜງຜູ້ຊີນຳຫ້ອງສະໝຸດ 01 ທ່ານ, ຫົວໜ້າໜ່ວຍງານ 01 ທ່ານ, ວິຊາການ 02 ທ່ານ.
ປະຫວັດຄວາມເປັນມາຂອງຫ້ອງສະໝຸດ
ວິທະຍາໄລການເງິນພາກໃຕ້ ເປັນສະຖາບັນການສຶກສາ 1 ໃນ 3 ແຫ່ງ ທີ່ຂື້ນກັບກະຊວງການເງິນ, ທັງແມ່ນ 1 ແຫ່ງຂອງສະຖາບັນການສຶກສາວິຊາຊີບ ທົ່ວແຂວງຈຳປາສັກ;
ຫ້ອງສະໝຸດແມ່ນໄດ້ຮັບການສ້າງຕັ້ງຂື້ນພ້ອມກັບວິທະຍາໄລການເງິນພາກໃຕ້ໃນວັນທີ 15 ມັງກອນ ປີ 1997 ຕາມຂໍ້ຕົກລົງສະບັບເລກທີ 069/ກງ, ເຊີ່ງໄລຍະທຳອິດເປັນພຽງຫ້ອງສະໝຸດຂອງສູນຝຶກອົບຮົມວິຊາການເງິນ-ການບັນຊີ ໃຫ້ແກ່ພະນັກງານການເງິນໃນ 04 ແຂວງພາກໃຕ້ເທົ່ານັ້ນ, ນຳໃຊ້ຫ້ອງຮຽນທີ່ວ່າງເປັນຫ້ອງສະໝຸດ, ຫ້ອງສະໝຸດຂອງສູນຝືກມີປື້ມແບບຮຽນ ແລະ ເອກະສານຄູ່ມືຝຶກອົບຮົມ ທັງໝົດປະມານ 150 ຫົວ, ເຊີ່ງເປັນເອກະສານກ່ຽວກັບວຽກງານການເງິນທັງໝົດ ຫ້ອງສະໝຸດເປັນພຽງຫ້ອງອ່ານຂັ້ນພື້ນຖານເທົ່ານັ້ນ ຍັງບໍ່ທັນມີລະບົບຄຸ້ມຄອງທີ່ທັນສະໄຫມ;
ມາຮອດປີ 2000 ໄດ້ຖືກຮັບຮອງເປັນໂຮງຮຽນກາານເງິນຊັ້ນກາງ 05 ແຂວງພາກໃຕ້, ຫ້ອງສະໝຸດກໍ່ໄດ້ມີການປັບປຸງໂດຍສະເພາະຕຳລາທີ່ຕອບສະໜອງໃຫ້ກັບການຮຽນ-ການສອນ ທັງໝົດ 13 ປະເພດ ມີ 263 ຫົວ, ປື້ມຄຸມືການຮຽນ-ການສອນກວມເອົາ 80% ນອກຈາກນັ້ນແມ່ນບັນດາກົດໝາຍ, ວາລະສານ ແລະ ນິຕິກຳຕ່າງໆ, ການບັນທຶກບັນດາເອກະສານແມ່ນໃຊ້ກາຍຈົດກ່າຍໃສ່ປື້ມເທົ່ານັ້ນ;
ມາຮອດປີ 2005 ໄດ້ຖືກຮັບຮອງເປັນວິທະຍາໄລການເງິນພາກໃຕ້, ຫ້ອງສະໝຸດໄດ້ຮັບການກໍ່ສ້າງຂື້ນໂດຍນຳໃຊ້ທຶນຂອງກະຊວງການເງິນ ແລະ ຫ້ອງສະໝຸດໄດ້ສະໝັກເຂົ້າເປັນສະມາຊິກຫໍສະໝຸດກາງໃນປີ 2009 ຜູ້ຮັບຜິດຊອບວຽກຫ້ອງສະໝຸດໄດ້ເຂົ້າຮ່ວມຝຶກອົບຮົມ ນຳຫໍສະໝຸດກາງໃນຫົວຂໍ້ ການນຳໃຊ້ ໂປຼແກຣມ PMB ຂັ້ນ 1, ຫຼັງຈາກນັ້ນຫ້ອງສະໝຸດໄດ້ປັບປຸງກ່ຽວກັບການຈັດເກັບເອກະສານໃຫ້ເຂົ້້າໝວດໝູ່ເພື່ອສະດວກໃນການບໍລິການຂອງຫ້ອງສະໝຸດ;
ມາຮອດປີ 2020 ໄດ້ເຂົ້າຮ່ວມຝຶກອົບ ໃນຫົວຂໍ້ ການຫັນເປັນທັນສະໄໝໃນການບໍລິຫານຄຸ້ມຄອງປົກປັກຮັກສາ ແລະ ສ້າງແຫຼ່ງຊັບພະຍາກອນ ເພື່ອບໍລິການໃນຍຸກເຕັກໂນໂລຊີ;
ມາຮອດປີ 2021 ໄດ້ເຂົ້າຮ່ວມການຝຶກອົບຮົມໃນຫົວຂໍ້ ການເສີມທັກສະການຮູ້ນຳໃຊ້ເຕັກໂນໂລຊີເພື່ອການສື່ສານດ້ານວຽກງານຫ້ອງສະໝຸດທາງອອນລາຍ;
ປີ 2022 ໄດ້ເຂົ້າຮ່ວມຝຶກອົບຮົມ ການນຳໃຊ້ Applicaions ເພື່ອການຈັດເກັບເອກະສານການຮຽນການສອນ ແລະ ການບໍລິການຫ້ອງສະໝຸດທາງອອນລາຍ;
ບົດບາດສຳຄັນຂອງເທັກໂນໂລຊີໃນການດຳເນີນງານຂອງຫ້ອງສະໝຸດຄືການນຳມາໃຊ້ແກ້ບັນຫາໃນເລື້ອງຂອງການຈັດເກັບຊັບພະຍາກອນຂອງຫ້ອງສະໝຸດທີ່ນັບມື້ນັບຂະຫຍາຍຕົວຂື່ນໄປເລື້ອຍໆໂດຍການຈັດເກັບເອກະສານໃນຫ້ອງສະໝຸດໃຫ້ເປັນລະບົບຖານຂໍ້ມູນອັດຕະໂນມັດສາມາດເຊື່ອມໂຍງກັບເຄື່ອຂ່າຍໃນລະດັບຕ່າງໆໄດ້ຢ່າງມີປະສິດທິພາບຫ້ອງສະໝຸດຍຸກໄຫມ່ຈີ່ງປ່ຽນໄປຕາມຄວາມກ້າວໜ້າຂອງເທັກໂນໂລຊີ ແລະ ວັດທະນະທຳການຮຽນຮູ້ຂອງຄົນໃນສັງຄົມ;
ປະຈຸບັນກຳລັງປັບປຸງຫ້ອງສະໝຸດໃຫ້ກາຍເປັນຫ້ອງສະໝຸດອີເລັກໂຕນິກເພື່ອຕອບສະໜອງກັບຄວາມຮຽກຮ້ອງຕ້ອງການ ແລະ ບໍລິການສະໜອງຂໍ້ມູນໃຫ້ກັບການຮຽນ-ການສອນ ແລະ ສັງຄົມໃນຍຸກປະຈຸບັນ, ຫ້ອງສະໝຸດຂອງວິທະຍາໄລປະຈຸບັນມີເອກະສານທັງໝົດ 08 ປະເພດເອກະສານ: (1)ວິທະຍາສາດພື້ນຖານ; (2) ການເງິນລັດ;(3) ບັນຊີວິສະຫະກິດ; (4)ທະນາຄານ; (5)ພາສາຕ່າງປະເທດ; (6) ວາລະສານ; (7)ໜັງສືພີມ; (8) ປື້ມທົ່ວໄປ; ລວມທັງໝົດມີ 15,037 ຫົວ;
ການບໍລິການຂອງຫ້ອງສະໝຸດໃນປະຈຸບັນ
- ຫ້ອງສະໝຸດບໍລິການຢືມປື້ມ, ວາລະສານ ແລະ ເອກະສານຕ່າງໆ ຕາມກຳນົດເວລາທີ່ກຳນົດໄວ້ໃນລະບຽບຂອງຫ້ອງສະໝຸດ;
- ຫ້ອງສະໝຸດບໍລິການໃຫ້ອ່ານກັບທີ່;
- ຫ້ອງສະໝຸດບໍລິການບຸກຄົນທົ່ວໄປໂດຍບໍຈຳແນກເພດໄວ
- ເວລາເປິດບໍລິການ
- ເປິດບໍລິການແຕ່ ວັນຈັນ-ວັນສຸກ
- ເລີ້ມເວລາ 7:30 – 16:30 ນາທີ
