admin – tcll

ການຮ່ວມມືທາງວິຊາການລະຫວ່າງຫ້ອງສະໝຸດໃນລາວໄດ້ຈັດກອງປະຊຸມ ແລະ ສໍາມະນາວຽກງານວິຊາການຫ້ອງສະໝຸດປະຈຳປີ 2023 ຫົວຂໍ້ : ການແລກປ່ຽນບົດຮຽນວິຊາການ ທາງດ້ານວຽກງານຫ້ອງສະໝຸດ ແລະ ການຮຽນຮູ້ຫ້ອງສະໝຸດດິຈີຕອ໌ລໃນຍຸກປະຈຸບັນ

admin August 15, 2023No Comment

ໃນວັນທີ 7 ສິງຫາ 2023 ທີ່ຜ່ານມາ, ການຮ່ວມມືທາງວິຊາການລະຫວ່າງຫ້ອງສະໝຸດໃນລາວໄດ້ຈັດກອງປະຊຸມ ແລະ ສໍາມະນາວຽກງານວິຊາການຫ້ອງສະໝຸດປະຈຳປີ 2023 ຫົວຂໍ້ : ການແລກປ່ຽນບົດຮຽນວິຊາການ ທາງດ້ານວຽກງານຫ້ອງສະໝຸດ ແລະ ການຮຽນຮູ້ຫ້ອງສະໝຸດດິຈີຕອ໌ລໃນຍຸກປະຈຸບັນ ໂດຍການເປັນປະທານຂອງ ທ່ານ ນາງ ອຈ ສີພາ ພົງສະຫັວດ ເຊີ່ງເປັນປະທານການຮ່ວມມືທາງວິຊາການລະຫວ່າງຫ້ອງສະໝຸດໃນລາວ ທີ່ຫໍສະໝຸດສະຖາບັນການທະນາຄານ, ມີບັນດາ ຫໍສະໝຸດແຫ່ງຊາດ,ຫໍສະໝຸດກາງ ມະຫາວິທະຍາໄລແຫ່ງຊາດ,ຫໍສະໝຸດ ມະຫາວິທະຍາໄລສຸຂະພາບ,ຫໍສະໝຸດສະຖາບັນສູນ,ວິທະຍາໄລ,ຄະນະວິຊາ ແລະ ບັນດາກະຊວງ,ທຽບເທົ່າກະຊວງ,ທີ່ເປັນສະມາຊິກຂອງການຮ່ວມມືທາງວິຊາການລະຫວ່າງຫ້ອງສະໝຸດໃນລາວ ເຊີ່ງໃນກອງປະຊຸມດັ່ງກ່າວໄດ້ຮັບຟັງການບັນຍາຍ ນໍາສະເໜີເວັບໄຊຂອງໂຄງການການຮ່ວມມືທາງວິຊາການລະຫວ່າງຫ້ອງສະໝຸດໃນລາວ ແລະ ວິທີການໂຄສະນາວຽກງານຫໍສະໝຸດດ້ວຍລະບົບ AI ໂດຍ ທ່ານ ປທ.ສັງຄອນ ນິຍົມຄໍາ ຮອງຫົວໜ້າພະແນກຫໍສະໝຸດ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ,ເຊີ່ງໃນຕອນບ່າຍໄດ້ຮັບຟັງການບັນຍາຍ ນຳສະເໜີ ບົດບາດໃໝ່ຂອງຫໍສະໝຸດໃນຍຸກຄວາມຮູ້ດິຈີຕອ໌ລ,ການນຳໃຊ້ແນວຄວາມຄິດໃໝ່ໃນການອອກແບບເພື່ຶອພັດທະນາຫໍສະໝຸດ ໃຫ້ແກ່ການບໍລິການ,ຫ້ອງສະໝຸດດິຈີຕອ໌ລໃນຮູບແບບໃໝ່ ໂດຍ ທ່ານ ຮອງສາດສະດາຈານ ປອ ລັດຕະນະໂຊດ ທຽນມົງຄົນ ຜູ້ອໍານວຍການສູນຄົ້ນຄ້ວາທາງວິຊາການ ມະຫາວິທະຍາໄລມະຫາສາລະຄາມ ປະເທດໄທ.

ປະຫວັດຄວາມເປັນມາຫໍສະໝຸດແຫ່ງຊາດ

admin July 29, 2022No Comment

ຫໍສະຫມຸດແຫ່ງຊາດລາວ ສ້າງຕັ້ງຂຶ້ນໃນປີ 1956 ໂດຍການໄດ້ຮັບມອບຫມາຍ ຈາກຫໍສະຫມຸດພຸດທະບັນດິດສະພາ (ວັດຈັນ) ໂດຍມີສະເດັດເຈົ້າຣາຊະພາຄິໄນ ເພັດສະຣາດ ຣັດຕະນະວົງສ໌ ແລະ ທ່ານ ມະຫາ ສິລາ ວີຣະວົງສ໌, ໄດ້ ມອບໃຫ້ກະຊວງສຶກສາ ເປັນຜູ້ສືບທອດ ຈາກນັ້ນກໍໄດ້ຈັດເປັນກອງເລຂາວິຊາການ ຂຶ້ນກັບກົມສິນລະປະກອນ ຂອງກະຊວງສຶກສາ ກິລາ ແລະ ເຍົາວະຊົນ, ໄດ້ສືບຕໍ່ສ້າງຕັ້ງຫໍໄຕປີດົກ ໃນຣັດຖະການຂອງເຈົ້າອານຸວົງ ໃນຕົ້ນ ສັດຕະວັດທີ່ 19 ສົມເດັດເຈົ້າຣາຊະພາຄິໄນ ເພັດສະຣາດ ໄດ້ທ້ອນໂຮມເອກະສານໃບລານ, ປື້ມພາສາລາວຈໍານວນ ຫນຶ່ງ ແລະ ປື້ມພາສາຝຣັ່ງ ທີ່ທາງຫໍສະຫມຸດຂອງໂຮງຮຽນປະລິຍັດຕິທໍາຈັນທະບູລີ ສ້າງເປັນພຸດທະບັນດິດ ສະພາ ຈັນທະບູລີ, ຂະນະດຽວກັນ ຫໍໄຕວັດສີສະເກດ ໄດ້ມີການຟື້ນຟູບູລະນະປະຕິສັງຂອນໃຫມ່ ໃນຕົ້ນສັດຕະວັດທີ 19 ເຊິ່ງຖືວ່າເປັນຕົວແທນ ແລະ ຫນໍ່ແຫນງຂອງຫໍສະຫມຸດແຫ່ງຊາດສືບຕໍ່ມາ. ໃນຊຸມປີ 1960 ຫໍສະຫມຸດແຫ່ງຊາດລາວ ກໍໄດ້ມີບົດບາດໃນການພັດທະນາບຸກຄະລາກອນ ໄປອົບຮົມ ແລະ ສຶກສາຢູ່ຕ່າງປະເທດຫຼາຍຊຸດ ທາງກະຊວງສຶກສາ…

ປະຫວັດ ແລະ ຄວາມເປັນມາຂອງ ສລຍ

admin July 14, 2022No Comment

ວິໄສທັດ ສລຍ ພັດທະນາສັງຄົມສູ່ທິດຢືນຍົງ ດ້ວຍການສ້າງບຸກຄະລາກອນທີ່ມີຄຸນນະພາບສູງ ພາລະກິດ ສລຍ ປະກອບສ່ວນໃນການພັດທະນາຊັບພະຍາກອນມະນຸດທີ່ມີຄວາມອາດສາມາດສູງ, ເປັນເຈົ້າການຮ່ວມມື, ສົ່ງເສີມເຄືອຂ່າຍທາງດ້ານວິຊາການ ແລະ ທຸລະກິດໃນສັງຄົມ ລາວ ແລະ ສາກົນ ຫຼັກການ ຫ້າວຫັນ, ເຮັດວຽກເປັນໝູ່ຄະນະ , ມີຄວາມສາມະຄີ, ຮຽນຮູ້ – ປັບປຸງ ແລະ ພັດທະນາຕົນເອງຢ່າງຕໍ່ເນື່ອງ ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ໄດ້ຮັບການສ້າງຕັ້ງຂຶ້ນໃນປີ 2001 ຢູ່ທີ່ມະຫາວິທະຍາໄລແຫ່ງຊາດ, ວິທະຍາເຂດດົງໂດກ ບົນພື້ນຖານການຮ່ວມມືລະຫວ່າງ ມະຫາວິທະຍາ ໄລແຫ່ງຊາດ ແລະ ອົງການ JICA. ໃນເດືອນພຶດສະພາ 2010 ໄດ້ຍົກລະດັບຂຶ້ນຈາກສູນລາວ-ຍີ່ປຸ່ນ (LJC) ມາເປັນ ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ (LJI) ເຊິ່ງໄດ້ສືບຕໍ່ດໍາເນີນກິດຈະກໍາດ້ານການພັດທະນາຊັບພະຍາກອນມະນຸດເພື່ອຊ່ວຍໃຫ້ ສປປ ລາວ ຫຼຸດພົ້ນອອກຈາກປະເທດດ້ອຍພັດທະນາໃນປີ 2025. ດ້ວຍການສະໜັບສະໜຸນຂອງປະຊາຊົນທັງ 2 ຊາດ ລາວ-ຍີ່ປຸ່ນ, ສະຖາບັນ ລາວ-ຍີ່ປຸ່ນ…

ກ່ຽວກັບວຽກງານຫໍສະໝຸດຂອງສະພາແຫ່ງຊາດ

admin July 14, 2022July 29, 2022No Comment

ປະຫວັດຄວາມເປັນມາ ຫໍສະໝຸດສະພາແຫ່ງຊາດ ໄດ້ສ້າງຕັ້ງຂຶ້ນໃນລະຫວ່າງ ປິ 1984-1988 ໄດ້ເຮັດໜ້າທີຈັດຕັ້ງຄຸ້ມຄອງຫ້ອງສະໝຸດ ແລະເກັບມ້ຽນ ສຳເນົາຂ່າວສານຂຶ້ນກັບກົມບໍລິຫານ ຂອງສຳນັກງານປະທານປະເທດ ແລະສະພາປະຊາຊົນສູງສຸດ ຊຸດທີ່ I, 1989-1990 ເປັນຫ້ອງສະໝຸຸດ ຂຶ້ນກັບກົມບໍລິຫານສະພາປະຊາຊົນສູງສຸດ ຊຸດທີ່ II, ໃນປີ 1993 ຂອງສະພາແຫ່ງຊາດ ຊຸດທີ່ III ໄດ້ຖືກແຕ່ງຕັ້ງເປັນພະແນກ ຫ້ອງສະໝຸດ ຂຶ້ນກັບກົມຄຸ້ມຄອງບໍລິຫານ ແລະການເງິນ, ໃນປີ 2000-2016 ພະແນກຫໍສະໝຸດ ໄດ້ຂຶ້ນກັບສູນຂ້ໍມູນ-ຂ່າວສານ ຂອງຫ້ອງວ່າການສະພາແຫ່ງຊາດ ແລະ ໃນເດືອນ 8/2016 ພະແນກ ຫໍສະໝຸດ ແລະ ພະແນກຂ້ໍມູນ-ຂ່າວສານ ໄດ້ຖືກຮ່ວມເຂົ້າກັນ ເປັນພະແນກຂ້ໍມູນ-ຂ່າວສານ ແລະຫ້ອງສະໝຸດ ຂຶ້ນກັບສູນຝຶກອົບຮົມ ແລະຂ້ໍມູນຂ່າວສານ ຂອງສະຖາບັນຄົ້ນຄວ້ານິຕິກຳສະພາແຫ່ງຊາດ ຈົນເຖິງປະຈຸບັນ. ທີ່ຕັ້ງ, ພາລະບົດບາດ, ສິດ ແລະໜ້າທີ່ຂອງພະແນກຂ້ໍມູນ-ຂ່າວສານ ແລະ ຫໍສະໝຸດ ອີງຕາມຂ້ໍຕົກລົງຂອງຄະນະເລຂາທິການສະພາແຫ່ງຊາດ ສະບັບເລກທີ່…

ປະຫວັດຫ້ອງສະໝຸດ ວິທະຍາໄລການເງິນພາກໃຕ້

admin May 19, 2022No Comment

ວິໄສທັດ, ຍຸດທະສາດ ຂອງຫ້ອງສະໝຸດວິທະຍາໄລການເງິນພາກໃຕ້ ວິໄສທັດ ຫ້ອງສະໝຸດວິທະຍາໄລການເງິນພາກໃຕ້: ພັດທະນາຫ້ອງສະໝຸດ ໃຫ້ເປັນເລີດທາງດ້ານການບໍລິການ ຢູ່ບັນດາແຂວງພາກໃຕ້ ດ້ວຍຄຸນນະພາບໃໝ່ ທັນສະໄໝ ເຊື່ອມໂຍງພາຍໃນ ແລະພາກພື້ນ. ທິດທາງລວມຂອງວິໄສທັດ: ພັດທະນາຫ້ອງສະໝຸດໃຫ້ມີຄຸນນະພາບ, ສະໜອງຂໍ້ມູນ, ປື້ມ,ວາລະສານ, ວິທະຍາສາດ, ເຕັກໂນໂລຊີ ໃຫ້ພຽງພໍ ມີປະສິດທິພາບ ແລະປະສິດທິຜົນ; ສຸມໃສ່ສ້າງບັນນາລັກທີ່ເປັນມືອາຊີບ, ຮັກອາຊີບ ແລະບໍລິການຫ້ອງສະໝຸດ ດ້ວຍຈັນຍາບັນ, ຖືກຕ້ອງ, ວ່ອງໄວສາມາດກວດສອບໄດ້; ພັດທະນາຫ້ອງສະໝຸດໃຫ້ເປັນຈຸດໃຈກາງແຫ່ງການຮຽນຮູ້, ຄົ້ນຄ້ວາວິທະຍາສາດດ້ານການເງິນ-ການບັນຊີ ຢູ່ບັນດາແຂວງພາກໃຕ້. ຍຸດທະສາດ ຫ້ອງສະໝຸດວິທະຍາໄລການເງິນພາກໃຕ້: 1. ຍົກສູງຄວາມຕື່ນຕົວທາງດ້ານການເມືອງ, ຄຸນສົມບັດສິນທໍາປະຕິວັດ ແລະການຮຽນຮູ້ຕະຫຼອດຊີວິດໃຫ້ແກ່ພະນັກງານຄູອາຈານ ແລະ ນັກສຶກສາພາຍໃນວິທະຍາໄລການເງິນພາກໃຕ້; 2. ສົ່ງເສີມພະນັກງານຄູອາຈານ ແລະ ນັກສຶກສາໃຫ້ມີການພັດທະນາ, ມັກອ່ານ, ຍົກລະດັບຄວາມຮູ້, ຄວາມສາມາດ ທາງດ້ານວິຊາສະເພາະຂອງຕົນ; 3. ເປີດກວ້າງການຮ່ວມມືດ້ານວຽກງານຫ້ອງສະໝຸດ ທັງພາຍໃນ ແລະ ຕ່າງປະເທດ; 4. ຫັນເປັນທັນສະໄໝ ດ້ານວຽກງານຫ້ອງສະໝຸດ…

ຂໍ້ມູນຫໍສະໝຸດ ສະຖາບັນການທະນາຄານ

admin May 16, 2022No Comment

1.ປະຫວັດຄວາມເປັນມາ ຫໍສະໝຸດສະຖາບັນການທະນາຄານ ໄດ້ຮັບການສ້າງຕັ້ງຂຶ້ນພ້ອມໆກັບການຂະຫຍາຍຕົວຂອງວິທະຍາໄລການທະນາຄານໃນປີ 2004 ເຊ່ິ່ງໃນເບື້ອງຕົ້ນມີປື້ມ ປະມານ 4.000 ກວ່າຫົວ, ມີພະນັກງານປະຈຳ 01 ທ່ານ. ການຄຸ້ມຄອງບໍລິຫານຂໍ້ມູນຂ່າວສານເຮັດແບບປະຖົມປະຖານໃນຮູບແບບການຈົດກ່າຍດ້ວຍມື, ພະນັກງານຮັບຜິດຊອບວຽກງານຫໍສະໝຸດຍັງຂາດປະສົບການດ້ານວຽກງານຫໍສະໝຸດມາກ່ອນ ແລະ ຮັບຜິດຊອບຫຼາຍໜ້າວຽກໄປພ້ອມກັນ. ໃນປີ 2005 ວິທະຍາໄລການທະນາຄານໄດ້ກ້າວຂຶ້ນເປັນ “ສະຖາບັນການທະນາຄານ”; ຈົນມາເຖິງປີ 2007 ວຽກງານຫໍສະໝຸດໄດ້ມີການປັບປຸງ ແລະພັດທະນາຕາມຫຼັກການວິຊາການຫໍສະໝຸດເຊິ່ງໄດ້ມີການຈັດຝຶກອົບຮົມວິຊາການບັນນາຮັກໃຫ້ແກ່ພະນັກງານທີ່ຮັບຜິດຊອບວຽກຫໍສະໝຸດ ແລະ ຈັດຊື້-ຈັດຫາອຸປະກອນຊັບພະຍາກອນປຶ້ມ ແລະ ອື່ນໆເຂົ້າຫໍສະໝຸດຢ່າງຕໍ່ເນື່ອງ. ມີການບໍລິຫານ, ຄຸ້ມຄອງຂໍ້ມູນຂ່າວສານຢ່າງເປັນລະບົບຕາມຫຼັກການບັນນາຮັກ, ເຊິ່ງສາມາດນຳໃຊ້ອຸປະກອນທັນສະໄໝເຂົ້າໃນການຄຸ້ມຄອງ, ບໍລິຫານ ແລະ ການບໍລິການຂໍ້ມູນຂ່າວສານດ້ວຍລະບົບຖານຂໍ້ມູນ (ໂປຼແກຼມ PMB) ເລີ່ມແຕ່ປີ 2008 ເປັນຕົ້ນມາ. ຫໍສະໝຸດສະຖາບັນການທະນາຄານ ໄດ້ເຂົ້າເປັນສະມາຊິກຂອງສະມາຄົມຫໍສະໝຸດລາວ (LALIC) ໃນປີ 2008, ບັນດາສະມາຊິກແມ່ນໃຊ້ລະບົບຖານຂໍ້ມູນດຽວກັນຄືຖານຂໍ້ມູນໂປຼແກຼມ PMB, ທຸກໆປີແມ່ນໄດ້ມີການຈັດປະຊຸມຮ່ວມກັນເພື່ອໃຫ້ບັນດາສະມາຊິກສະມາຄົມຫໍສະໝຸດລາວ ໄດ້ແລກປ່ຽນຖອດຖອນບົດຮຽນຮ່ວມກັນ, ທາງດ້ານການບໍລິຫານ, ການຄຸ້ມຄອງ, ການຈັດການ, ການນຳໃຊ້ລະບົບຖານຂໍ້ມູນໂປແກຼມ PMB ແລະ ການໃຫ້ບໍລິການຕ່າງໆຂອງຫໍສະໝຸດດ້ວຍກັນ.…

ປະຫວັດຫຍໍ້ຂອງຫໍສະໝຸດກາງ ຄວສ

admin May 12, 2022No Comment

ຫໍສະໝຸດກາງ ຄວສ ໄດ້ຖືກສ້າງຕັ້ງຂຶ້ນໃນປີ 1996 ເຊິ່ງເມື່ອກ່ອນເປັນຫໍສະໝຸດຂອງອາດີດມະຫາວິທະຍາໄລຊັບພະວິຊາ 2 ທັນວາ. ໂດຍໄດ້ລວມເອົາບັນດາ ຫໍສະໝຸດຂອງໂຮງຮຽນເອເລັກໂຕຼນິກ ແລະ ໂຮງຮຽນຄົມມະນາຄົມ ເຂົ້າມາເປັນຫໍສະໝຸດກາງ ຂອງ ຄະນະວິສະວະກຳສາດ ພາຍ ຫລັງຖືກສະຖາປະນາເປັນຄະນະວິສະວະກຳສາດ ທີ່ຂຶ້ນກັບ ມະຫາວິທະຍາໄລແຫ່ງຊາດລາວ. ນຳໃຊ້ຖານຂໍ້ມູນ PMB Version 4 ຂໍ້ມູນອາຈານພະນັກງານຫໍສະຫມຸດ ຄວສ ລ/ດ ຊື່ແລະນາມສະກຸນ ທີ່ຢູ່ ເບີໂທ ອີແມວ ໝາຍເຫດ 1 ທ່ານ ນ. ແສງມະນີ ພັນຍຸລາດ ຄະນະວິສະວະກຳສາດ 02055646245 sseng2008@hotmail.com 2 ທ່ານ ນ. ດາວເຮືອງ ສີບໍລິບູນ ຄະນະວິສະວະກຳສາດ 02058244239 d.siboriboune@nuol.edu.la 3 ທ່ານ ນ. ເພັດສະໄໝ ພະພັກດີ ຄະນະວິສະວະກຳສາດ…

ຫໍສະໝຸດຄະນະກະເສດສາດ

admin May 12, 2022No Comment

ຫ້ອງສະໝຸດຄະນະກະເສດສາດໄດ້ສ້າງຕັ້ງຂຶ້ນແຕ່ປີ 1995 ພ້ອມມະຫາວິທະຍາໄລແຫ່ງຊາດ ໂດຍລວມເອົາຫໍສະໝຸດໂຮງຮຽນປ່າໄມ້ ແລະ ໂຮງຮຽນກະເສດເຂົ້າກັນເປັນຄະນະດຽວ ຫໍສະໝຸດກໍ່ແມ່ນເປັນພະແນກໜຶ່ງແຕ່ບໍລິການຢູ່ 2 ບ່ອນ ແລະ ໄດ້ແຍກກັນເປັນ 2 ຄະນະໃນປີ 2000 (ຄະນະກະເສດສາດ ແລະ ຄະນະວິທະຍາສາດປ່າໄມ້). ມາຮອດທ້າຍປີ 2001 ຫໍສະໝຸດຄະນະກະເສດສາດ ໄດ້ຖືກອະນຸມັດເປັນພະແນກຫໍສະໝຸດ ຕັ້ງແຕ່ນັ້ນມາ. ປະຫວັດການນຳໃຊ້ໂປຣແກຣມ •ກ່ອນປີ 2001 ແມ່ນນຳໃຊ້ໂປຣແກຣມ Rapidfile •ແຕ່ປີ 2001 ເຖິງປີ 2007 ແມ່ນໃຊ້ໂປຣແກຣມ Winisis •ແຕ່ປີ 2008 ເຖິງປັດຈຸບັນແມ່ນນຳໃຊ້ໂປຣແກຣມ PMB ໂຄງຮ່າງການຈັດຕັ້ງຂອງພະແນກ ປທ. ພູແກ້ວ ເສົາຄໍາແກ້ວ p.saokhamkeo@nuon.edu.la 02055559314 ວ່າການຫົວໜ້າພະແນກ ປທ. ດາວພອນ ເພັດນຸບານ Phetnouban@hotmail.com 02028122155 ຮອງ ຫົວໜ້າພະແນກຫ້ອງສະໝຸດ ປຕ ຈັນໄທ ແສງງາມ…

ປະຫວັດຂອງຫ້ອງສະໝຸດ ແລະ ພິພິທະພັນ ທຫລ

admin May 4, 2022No Comment

ພະແນກຫ້ອງສະໝຸດ ໄດ້ສ້າງຕັ້ງຂຶ້ນໃນວັນທີ 25 ມີນາ 2005 ໂດຍປະຕິບັດຕາມຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວວຽກງານ ຂອງຫ້ອງການ ທຫລ ສະບັບ ເລກທີ 06 /ທຫລ, ລົງວັນທີ 25 ມີນາ 2005 ທີ່ໄດ້ອະນຸມັດເປັນພະແນກໜຶ່ງ ທີ່ຂຶ້ນກັບຫ້ອງການ ທຫລ, ມີໜ້າທີ່ບໍລິການປຶ້ມອ່ານປະເພດຕ່າງໆ ໃຫ້ແກ່ພະນັກງານ ໃນຂະແໜງການທະນາຄານ ແລະ ມີໜ້າທີປົກປັກຮັກສາ ແລະ ຂົນຂວາຍວັດຖຸພັນຕ່າງໆ ເຂົ້າມາໄວ້ຫ້ອງສະໝຸດ ແລະ ຫ້ອງວາງສະແດງ ຕາມພາລະບົດບາດ ແລະ ໜ້າທີ່ຂອງພະແນກ. ສະພາບໃນເບື່ອງຕົ້ນແມ່ນ ພາຍຫຼັງຍຸບພະແນກເລຂາ ແລ້ວກໍ່ໄດ້ມີການປັບປຸງຫ້ອງເພຶ່ອເຮັດຫ້ອງສະໝຸດ ແລະ ແຕ່ງຕັ້ງພະນັກງານຈໍານວນໜຶ່ງຮັບຜິດຊອບວຽກງານຫ້ອງສະໝຸດ ໃນປີ 2005 ແລະ ໄດ້ໄປຝຶກອົບຮົມວຽກງານຫ້ອງສະໝຸດ ຢູ່ຫໍສະໝຸດກາງ ມະຫາວິທະຍາໄລແຫ່ງຊາດ. ຫຼັງຈາກກັບມາກໍ່ໄດ້ລະດົມ, ຮີບໂຮມເອັາປຶ້ມ ແລະ ເອກະສານເກົ່າ ຈາກບັນດາກົມຕ່າງໆ ພາຍໃນ ທຫລ ເພຶ່ອມາຈັດເຂົ້າລະບົບຕາມລະບຽບຫຼັກການ ແຕ່ຈະໃຫ້ຖືກຫຼັກການແທ້ໆ ກໍ່ຍັງເຫັນວ່າບໍ່ທັນຖືກ.…

ຫ້ອງສະໝຸດຄະນະສຶກສາສາດ

admin April 25, 2022No Comment

ຫ້ອງສະໝຸດຄະນະສຶກສາສາດ ຕັ້ງຢູ່ວິທະຍາເຂດດົງໂດກ ຂອງມະຫາວິທະຍາໄລແຫ່ງຊາດ ຕັ້ງຢູ່ຕຶກສຳນັກຄະນະບໍດີ ຄະນະສຶກສາສາດ ຊັ້ນ II ທິດເໜືອຕິດກັບຕຶກສຳນັກງານອະທິການບໍດີ ມະຫາວິທະຍາໄລແຫ່ງຊາດ, ທິດໃຕ້ຕິດກັບຄະນະວິທະຍາສາດທໍາມະຊາດ, ທິດຕາເວັນອອກຕິດກັບສະໂມສອນໃຫຍ່ ມະຫາວິທະຍາໄລແຫ່ງຊາດ, ທິດຕາເວັນຕົກຕິດກັບຄະນະເສດຖະສາດ ແລະ ບໍລິຫານທຸລະກິດ. ມີຄວາມສະຫງົບເໝາະສົມແກ່ການໃຊ້ບໍລິການອ່ານຂອງນັກຮຽນ-ນັກສຶກສາ ຕະຫຼອດຮອດຄູ-ອາຈານທົ່ວໄປ. ພາລະບົດບາດຂອງຫ້ອງສະໝຸດຄະນະສຶກສາສາດ ຫ້ອງສະໝຸດຄະນະສຶກສາສາດຂຶ້ນກັບພະແນກບໍລິຫານວິຊາການ ມີບົດບາດສໍາຄັນໃນການຈັດຕັ້ງຄຸ້ມຄອງ, ບູລະນະຮັກສາ ແລະ ໃຫ້ບໍລິການປື້ມ, ຕໍາລາຮຽນ ເພື່ອສົ່ງເສີມການຮຽນ-ການສອນ ການສຶກສາຄົ້ນຄວ້າວິໄຈຂອງຄູ-ອາຈານ, ບຸກຄະລາກອນ ແລະ ນັກສຶກສາທີ່ສຶກສາຢູ່ໃນຄະນະສຶກສາສາດຖືໄດ້ວ່າເປັນແຫຼ່ງຂ່າວສານທີ່ມີບົດບາດສໍາຄັນຕໍ່ການພັດທະນາຊັບພະຍາກອນເປັນຢ່າງຍິ່ງ. ຫ້ອງສະໝຸດຄະນະສຶກສາສາດມີໜ້າທີ່ດັ່ງນີ້: – ຄຸ້ມຄອງຊັບສິນທີ່ຢູ່ໃນຄວາມຮັບຜິດຊອບຂອງຫ້ອງສະໝຸດ ຄະນະສຶກສາສາດ ຕາມການກໍານົດຂອງມະຫາວິທະຍາໄລແຫ່ງຊາດ. – ຄົ້ນຄວ້າ, ເກັບກໍາ, ຮີບໂຮມ ແລະ ປົກປັກຮັກສາບັນດາສື່ຄວາມຮູ້ທີ່ເປັນສິ່ງພິມ. – ຈັດບໍາລຸງ, ສໍາມະນາ, ຍົກລະດັບຄວາມຮູ້ຄວາມສາມາດທາງດ້ານວິຊາການຫ້ອງສະໝຸດ ແລະ ການຈັດເກັບຂໍ້ມູນຂ່າວສານ. – ຮີບໂຮມຜົນງານການຂີດຂຽນຂອງຄູອາຈານ, ບົດໂຄງການຈົບຊັ້ນຂອງນັກສຶກສາ. …

Author: admin