tcll

ຫ້ອງສະໝຸດຄະນະສຶກສາສາດ

ຫ້ອງສະໝຸດຄະນະສຶກສາສາດ ຕັ້ງຢູ່ວິທະຍາເຂດດົງໂດກ ຂອງມະຫາວິທະຍາໄລແຫ່ງຊາດ ຕັ້ງຢູ່ຕຶກສຳນັກຄະນະບໍດີ ຄະນະສຶກສາສາດ ຊັ້ນ II ທິດເໜືອຕິດກັບຕຶກສຳນັກງານອະທິການບໍດີ ມະຫາວິທະຍາໄລແຫ່ງຊາດ, ທິດໃຕ້ຕິດກັບຄະນະວິທະຍາສາດທໍາມະຊາດ, ທິດຕາເວັນອອກຕິດກັບສະໂມສອນໃຫຍ່ ມະຫາວິທະຍາໄລແຫ່ງຊາດ, ທິດຕາເວັນຕົກຕິດກັບຄະນະເສດຖະສາດ ແລະ ບໍລິຫານທຸລະກິດ. ມີຄວາມສະຫງົບເໝາະສົມແກ່ການໃຊ້ບໍລິການອ່ານຂອງນັກຮຽນ-ນັກສຶກສາ ຕະຫຼອດຮອດຄູ-ອາຈານທົ່ວໄປ. ພາລະບົດບາດຂອງຫ້ອງສະໝຸດຄະນະສຶກສາສາດ        ຫ້ອງສະໝຸດຄະນະສຶກສາສາດຂຶ້ນກັບພະແນກບໍລິຫານວິຊາການ ມີບົດບາດສໍາຄັນໃນການຈັດຕັ້ງຄຸ້ມຄອງ, ບູລະນະຮັກສາ ແລະ ໃຫ້ບໍລິການປື້ມ, ຕໍາລາຮຽນ ເພື່ອສົ່ງເສີມການຮຽນ-ການສອນ ການສຶກສາຄົ້ນຄວ້າວິໄຈຂອງຄູ-ອາຈານ, ບຸກຄະລາກອນ ແລະ ນັກສຶກສາທີ່ສຶກສາຢູ່ໃນຄະນະສຶກສາສາດຖືໄດ້ວ່າເປັນແຫຼ່ງຂ່າວສານທີ່ມີບົດບາດສໍາຄັນຕໍ່ການພັດທະນາຊັບພະຍາກອນເປັນຢ່າງຍິ່ງ. ຫ້ອງສະໝຸດຄະນະສຶກສາສາດມີໜ້າທີ່ດັ່ງນີ້:       – ຄຸ້ມຄອງຊັບສິນທີ່ຢູ່ໃນຄວາມຮັບຜິດຊອບຂອງຫ້ອງສະໝຸດ ຄະນະສຶກສາສາດ ຕາມການກໍານົດຂອງມະຫາວິທະຍາໄລແຫ່ງຊາດ.       – ຄົ້ນຄວ້າ, ເກັບກໍາ, ຮີບໂຮມ ແລະ ປົກປັກຮັກສາບັນດາສື່ຄວາມຮູ້ທີ່ເປັນສິ່ງພິມ.       – ຈັດບໍາລຸງ, ສໍາມະນາ, ຍົກລະດັບຄວາມຮູ້ຄວາມສາມາດທາງດ້ານວິຊາການຫ້ອງສະໝຸດ ແລະ ການຈັດເກັບຂໍ້ມູນຂ່າວສານ.       – ຮີບໂຮມຜົນງານການຂີດຂຽນຂອງຄູອາຈານ, ບົດໂຄງການຈົບຊັ້ນຂອງນັກສຶກສາ.      …

Continue Reading

ປະຫວັດຄວາມເປັນມາຂອງພະແນກຫ້ອງສະໝຸດ ແລະ ຂ່າວສານຂອງຄະນະວິທະຍາສາດປ່າໄມ້

ໃນໄລຍະ 1979 – 1986 ແມ່ນຊ່ວງການພັດທະນາ ແລະ ໄດ້ຈັດຕັ້ງເປັນຫ້ອງສະໝຸດຂອງໂຮງຮຽນວິຊາການປ່າໄມ້ຊັ້ນກາງດົງໂດກ ໃນເວລານັ້ນໄດ້ມີ 2 ປະເທດໃຫ້ການຊ່ວຍເຫຼືອທາງດ້ານເຕັກນິກວິຊາການ ຄື ສະຫະພາບໂຊວຽດ ແລະ ສາທາ ລະນະລັດ ປະຊາທິປະໄຕ ເຢຍລະມັນ ແລະ ຮອດປີ 1986 ໄດ້ຍົກລະດັບໃຫ້ເປັນໂຮງຮຽນວິຊາການປ່າໄມ້ຊັ້ນສູງ, ໃນເວລານັ້ນໂຮງຮຽນແມ່ນຂືຶ້ນກັບ ກະຊວງກະສິກໍາ ແລະ ປ່າໄມ້, ໃນຊ່ວງນັ້ນປື້ມ ແລະ ເອກະສານຕ່າງໆສ່ວນໃຫຍ່ຈະເປັ ນພາສາລັດເຊຍ ແລະ ເຢບລະມັນ, ຈໍານວນປື້ມ ແລະ ເອກະສານຈະມີພຽງແຕ່ 500 ກ່ວາຊື່ເລື່ອງ ແລະ 1,500 ກ່ວາເຫຼັ້ມ ມາຮອດປີ 1994 -1995 ໂຮງຮຽນວິຊາການປ່າໄມ້ຊັ້ນສູງທີ່ດົງໂດກ ໄດ້ຮວມຕົວກັບໂຮງຮຽນກະສິກໍາ ທີ່ນາບົງ ແລະ ໄດ້ກາຍເປັນຄະນະໜຶ່ງ ເອີ້ນວ່າ ” ຄະນະກະເສດສາດ ແລະ ປ່າໄມ້ ” ຕົກມາໃນປີ 1996…

Continue Reading

ປະຫັວດຄວາມເປັນມາຂອງຫໍສະໝຸດ ຄນລ

ໃນປີ 1986 ໂຮງຮຽນກົດໝາຍຊັ້ນກາງໄດ້ສ້າງຕັ້ງຂຶ້ນ ພາຍໃຕ້ການຊີ້ນຳຂອງກະຊວງຍຸຕິທຳ ແລະ ພ້ອມດຽວກັນນັ້ນຫ້ອງສະໝຸດກໍ່ໄດ້ເປີດຂຶ້ນເພື່ອໃຫ້ການບໍລິການແກ່ ຄູ-ອາຈານ ແລະ ນັກສຶກສາ, ໃນໄລຍະນັ້ນຫ້ອງສະໝຸດໄດ້ຕັ້ງຢູ່ຊັ້ນລຸ່ມຂອງອາຄານ B ຊຶ່ງປັດຈຸບັນແມ່ນຫ້ອງການໂຄງການລາວ/031 ປະຈໍາຄະນະນິຕິສາດ ແລະ ລັດຖະສາດ, ໃນປີ 1994 ໂຮງຮຽນກົດໝາຍຊັ້ນກາງໄດ້ຍົກລະດັບເປັນໂຮງຮຽນກົດໝານຊັ້ນສູງໂດຍການຊີ້ນຳຂອງກະຊວງຍຸຕິທຳ, ຫ້ອງສະໝຸດກໍໄດ້ມີການພັດທະນາຂຶ້ນເປັນລຳດັບ. ປີ1997 ໂຮງຮຽນກົດໝາຍຊັ້ນສູງໄດ້ຂຶ້ນກັບມະຫາວິທະຍາໄລແຫ່ງຊາດ, ໂຮງຮຽນກົດໝາຍຊັ້ນສູງໄດ້ກາຍເປັນຄະນະນິຕິສາດ ແລະ ລັດຖະສາດ ແລະ ພ້ອມດຽວກັນນັ້ນ ຫໍສະໝຸດຂອງ ຄະນະນິຕິສາດ ແລະ ລັດຖະສາດ ໄດ້ມີການພັດທະນາຢ່າງໄວວາໂດຍການອຸປະຖຳຈາກໂຄງການຊ່ວຍເຫຼືອສາກົນ, ໄດ້ຍ້າຍຈາກຊັ້ນລຸ່ມຂື້ນມາຢູ່ຊັ້ນ 2 ຂອງອາຄານດຽວກັນແຕ່ມີພື້ນທີ່ກວ້າງກວ່າເກົ່າ ແລະ ມີປື້ມຕໍາລາ,​ວາລະສານ ແລະ ເອກະສານຕ່າງໆມີຈຳນວນເພີ້ມຂຶ້ນ, ​ຊຶ່ງໄດ້ມາຈາກຜົົນງານຂອງຄູ-ອາຈານ, ການອຸປະຖຳຈາກໂຄງການຊ່ວຍເຫຼື່ອຂອງສາກົນ ແລະ ພາກສ່ວນຕ່າງໆ, ປື້ມສ່ວນຫຼາຍແມ່ນກ່ຽວກັບກົດໝາຍຍຸຕິທຳ, ການປົກຄອງ, ການພົວພັນສາກົນ ແລະ ຂົງເຂດເສດຖະກິດ ທີ່ຕອບສະໜອງໃຫ້ແກ່ການຮຽນ-ການສອນ, ຄົ້ນຄ້ວາຂອງຄູ-ອາຈານ, ນັກສຶກສາ ແລະ ບຸກຄົນພາຍນອກທີ່ເຂົ້າມາຊົມໃຊ້. ໂຄງຮ່າງການຈັດຕັ້ງຂອງພະແນກ

Continue Reading

ຫໍສະໝຸດວິທະຍາສາດເສດຖະກິດແລະສັງຄົມແຫ່ງຊາດ

(ຫໍສະໝຸດສະຖາບັນວິທະຍາສາດເສດຖະກິດແລະ ສັງຄົມແຫ່ງຊາດ. ຕັ້ງຢູ່ບ້ານສີວິໄລ,ເມືອງໄຊທານີ,ນະຄອນຫຼວງວຽງຈັນ) ປະຫວັດຫຍໍ້: ຫໍສະຫມຸດສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ. ແຕ່ກ່ອນເປັນຫ້ອງສະໝຸດຂອງສະຖາບັນຄົ້ນຄວ້າວັດທະນະທຳ ສັງກັດກະຊວງຖະແຫຼງຂ່າວ ແລະ ວັດທະນະທຳ ຊື່ງໄດ້ໂອນຍ້າຍຂຶ້ນກັບ ຫໍສະຫມຸດສະຖາບັນວິທະຍາສາດສັງຄົມແຫ່ງຊາດ(ຕົວຫຍໍ້ ສວສຊ) ຄັ້ງວັນທີ 25/08/2006 .         ໃນປີ 2006 ຫໍສະໝຸດ ສວສຊ ຂຶ້ນກັບສູນຂໍ້ມູນຂ່າວສານ ສວສຊ ໃນໄລຍະການປັບປຸງກົງຈັກການຈັດຕັ້ງເພີ່ມເຕີມ ປີ 2011 ຫໍສະໝຸດ ສວສຊ ຂຶ້ນກັບສະຖາບັນຂໍ້ມູນຂ່າວສານ ແລະ ວາລະສານວິທະຍາສາດສັງຄົມ ສວສຊ. ຮອດປີ 2019 ຫໍສະໝຸດ ສວສຊ ກໍ່ໄດ້ຂື້ນກັບສູນຂໍ້ມູນຂ່າວສານ ວິທະຍາສາດສັງຄົມ ສັງກັດ ສວສຊ ແລະ ປັດຈຸບັນ ຫໍສະໝຸດ ໄດ້ຂື້ນກັບສຸນຂໍ້ມມູນຂ່າວສານ ແລະ ຝຶກອົບ ຂອງສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ(ຕົວຫຍໍ້ ປະຈຸບັນ ສວສສຊ) ເຊິ່ງເປັນສະຖາບັນທີ່ຫາກໍ່ສ້າງຕັ້ງຂຶ້ນໃໝ່ມີຖານະເທົ່າກະຊວງ. ຫໍສະໝຸດ ເຮັດໜ້າທີ່ສະໜອງຂໍ້ມູນຂ່າວສານທາງດ້ານວິທະຍາສາດເສດຖະກິດແລະສັງຄົມໃຫ້ແກ່ນັກຄົ້ນຄ້ວາ, ພະນັກງານ ນັກສຶກສາ ແລະ…

Continue Reading

ປະຫວັດຄວາມເປັນມາຂອງຫໍສະໝຸດນະຄອນຫຼວງວຽງຈັັນ

ຫໍສະໝຸດນະຄອນຫຼວງວຽງຈັນ ເປັນກອງວິຊາການໜື່ງທີ່ຂື້ນກັບພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ເຊິ່ງໄດ້ຮັບການສ້າງຕັ້ງແຕ່ວັນທີ 30/01/2006 ໂດຍການສົມທົບທຶນ ລະຫວ່າງລັດຖະບານແຫ່ງ ສ ປປ ລາວ ໂດຍແມ່ນນະຄອນຫຼວງວຽງຈັນ ເປັນຜູ້ອຳນວຍຄວາມສະດວກທາງດ້ານສະຖານທີ່, ສ່ວນທຶນຮອນ ແລະ ຮູບແບບ ໃນການກໍ່ສ້າງທັງໝົດແມ່ນໄດ້ຈາກ ອົງການ Jichiro, EFA ແລະ SVA ແຫ່ງປະເທດຍີ່ປຸ່ນ ລວມມູນຄ່າ 2 ແສນກວ່າໂດລາສະຫະລັດ  ໃນໄລຍະຕໍ່ມາ ທາງອົງການດັ່ງກ່າວກໍ່ຍັງໄດ້ສືບຕໍ່ຊ່ວຍເຫຼືອທາງດ້ານງົບປະມານຈຳນວນໜື່ງເພື່ອນະໂຍບາຍໃຫ້ພະນັກງານ ເຮັດວຽກນອກໂມງການ (OT) ນອກຈາກນີ້ ກໍ່ຍັງມີສ່ວນບຸກຄົນອື່ນໆ ທີ່ໃຫ້ການຊ່ວຍເຫຼືອປື້ມ ແລະ ອຸປະກອນຮັບໃຊ້ຈຳນວນໜື່ງ ເຊິ່ງທັງໝົດນັ້ນ ໄດ້ເປັນການປະກອບສ່ວນຢ່າງໃຫຍ່ຫຼວງ ແກ່ການເຄື່ອນໄຫວຂອງຫໍສະໝຸດນະຄອນຫຼວງໃນໄລຍະຜ່ານມາ. ຫໍສະໝຸດນະຄອນຫຼວງວຽງຈັນປະກອບມີ 2 ອາຄານຄື: 1. ຕຶກສະໂມສອນ, 2. ຕຶກຫ້ອງອ່ານ (ຫ້ອງອ່ານໄດ້ແບ່ງເປັນສອງມູມຄືມູມອ່ານເດັກນ້ອຍ ແລະ ຜູ້ໃຫຍ່) ໄດ້ເລີ່ມເປີດບໍລິການຢ່າງເປັນທາງການນັບແຕ່ວັນທີ 07/12/2006 ເປັນຕົ້ນມາ . ຊື່…

Continue Reading

ປະຫວັດຄວາມເປັນມາຂອງຫໍສະໝຸດ ວ.ຄ. ກ

ຫ້ອງສະໝຸດວິທະຍາໄລຄູບ້ານເກິນໄດ້ຮັບການສ້າງຕັ້ງເມື່ອ 1992-19993ໂດຍການເຕົ້າໂຮມໂຮງ ຮຽນ ທັງສອງແຫ່ງເຂົ້າກັນຄື: ໂຮງຮຽນສ້າງຄູຊັ້ນສູງວັງວຽງ ແລະໂຮງຮຽນສ້າງຄູຊັ້ນກາງບ້ານເກິນ. ຜ່ານມາ, ອາໄສເອົາ ຫ້ອງຮຽນຫວ່າງເປັນອາຄານຕັ້ງຫ້ອງສະໝຸດຂອງສະຖາບັນ.ເນື່ອງຈາກວ່າວິທະຍາໄລຄູບ້ານເກິນຢູ່ໃນລະຫວ່າງການພັດທະນາກໍ່ສ້າງແລະປັບປຸງອາຄານຮຽນດ້ວຍທຶນກູ້ຢືມADBແຕ່ຍັງຂາດເຂີນອາຄານຫ້ອງສະໝຸດແລະວັດສະດຸສາລະນິເທດ. ຕົກມາເຖິງ 1995 – 1997ໄດ້ຮັບທຶນຊ່ວຍເຫລືອຈາກໂຄງການຮ່ວມມືລາວໄທໂດຍກົມນິເທດສະຫະການ, ສ້າງສຳເລັດໃນປີ 1999.ພິທີໄດ້ມອບຮັບຢ່າງເປັນທາງການໃນ 16 ມິຖຸນາ 1999 ມາ ເປັນຫໍສະໝຸດວິທະຍາໄລຄູບ້ານເກິນ ໃນ ປັດຈຸບັນ, ເປັນອາຄານສອງຊັ້ນ ມີເນື້ອທີ່ 504 ຕາລາງແມັດ, ເປັນຫໍສະໝຸດຂອງສະຖາບັນການສຶກສາຜູ້ໃຫຍ່ ໃນລະດັບ ວິທະຍາໄລເນັ້ນການ ສຶກສາຕະລອດອາຊີບໃຫ້ບໍລິການຄວາມຮູ້ຂໍ້ມູນຂ່າວສານທີ່ທັນສະໄໝໃນທຸກຮູບແບບຂອງການຮຽນ-ການສອນ ໂດຍຈັດການສອນໃຫ້ມີບົດບາດແລະໜ້າທີ່ 4 ຢ່າງ ຄື: 1/ເປັນຜູ້ນຳເອົາດ້ານການບໍລິການສານນິເທດແລະແຫລ່ງຊັບພະຍາກອນເພື່ອການສຶກສາຄົ້ນຄວ້າຮ່ຳຮຽນ. 2/ການຈັດການສຶກສາຕາມອັດຕະຍາໄສຄື ການບໍລິການໜັງ ສື ແລະສື່ຕ່າງໆ ແລະການຈັດນິທັດສະການ 3/ ການຈັດການສຶກສານອກໂຮງຮຽນຄືການ ຄື: ການບໍລິການ ສື່ການຮຽນ – ການສອນ 4/ການຈັດການບໍລິການສູນກາງແນະແນວ ຄື: ບໍລິການສະ ຖານທີ່ການໃຊ້ສື່ຈັດສູນຂໍ້ມູນຊຸມຊົນບໍລິການ ເຜີຍແຜ່ຂໍ້ມູນແລກປ່ຽນຂ້ໍນມູນຂ່າວສານເຊ່ັນ:ບໍລິການໂທລະທັດຊີດີ,ວີດີໂອ,ດີວີດີ,ເທບ…ບໍລິການຫ້ອງປະຊຸມຂະໜາດນ້ອຍ

Continue Reading

ປະຫວັດຄວາມເປັນມາຂອງ ຫສກ

ຫໍສະໝຸດ​ກາງ ມະຫາວິທະຍາ​ໄລ​ແຫ່ງ​ຊາດ ສ້າງ​ຕັ້ງ​ຂຶ້ນ​ໃນ​ປີ 1996 ​ໂດຍ​ສືບ​ທອດ​ເອົາຊັບພະຍາກອນ​ຫ້ອງ​ສະໝຸດ​ທີ່​ສ້າງ​ຂຶ້ນ​ໃນ​ປີ 1960, ​ແຕ່​ກ່ອນ​ເອີ້ນ​ວ່າ “ຫ້ອງ​ສະໝຸດ​ສະ​ຖາ​ບັນ​ສ້າງ​ຄູດົງ​ສະພັງ​ເມິ​ກ (​ກາຍ​ມາເປັນ ​ມະ​ຫາວິທະຍາ​ໄລສ້າງ​ຄູ​ວຽງ​ຈັນ ຫລັງ​ຈາກ ປີ 1976) ​ເຊິ່ງກວມ​ເອົາ​ເຄິ່ງໜຶ່ງ​ຂອງ​ຊັ້ນ​ທີ່ 1 ​ເບື້ອງ​ຕາ​ເວັນ​ອອກ​ຂອງ​ຕຶກ​ອະທິການ​ບໍດີຫລັງ​ເກົ່າ ຫລື ​ເອີ້ນ​ກັນ​ວ່າ: “ຕຶກ​ແດງ” (​ເພາະວ່າ​ຫລັງຄາ​ຂອງ​ຕຶກ​ມຸງ​ດ້ວຍ​ດິນຂໍ​ສີ​ແດງ) ​ເປັນ​ຈຸ​ເລີ່​ມຕົ້ນ​ວຽກ​ງານ​ຫ້ອງ​ສະໝຸດ​ຫລັງ​ທຳ​ອິດ. ​ໃນ​ເວລາ​ນັ້ນ ຫ້ອງ​ສະໝຸດ​ໄດ້​ແບ່ງ​ອອກ​ເປັນ 2 ພາກສ່ວນ​ໃຫຍ່ ຄື: ຫ້ອງ​ສະໝຸດ​ພະ​ແນ​ກພາສາ​ອັງກິດ ​ແລະ​ ຫ້ອງ​ສະໝຸດ​ວິທະຍາ​ໄລ​ຄູ ເຊີ່ງ​​​ໄດ້ໃຫ້ບໍລິການ​ປຶ້ມ, ວາລະສານ, ໜັງສືພິມ ​ແລະ ຂໍ້​ມູນ​ຕ່າງໆ ທີ່​ຕອບ​ສະໜອງ​ໃຫ້​ວຽກ​ງານ ການ​ຮຽນ-ການ​ສອນ. ການ​ບໍລິການ​ສ່ວນ​ໜຶ່ງ​ອາ​ນຸຍາດ​ໃຫ້​ນັກ​ສຶກສາ​ສາມາດ​ຢືມ​ປຶ້ມ​ໄປ​ໃຊ້​ຕະຫລອດ​ສົກຮຽນ​ໄດ້ ທ້າຍ​ປີຮຽນ​ຈິ່ງ​ນຳ​ເອົາ​ປຶ້ມມາ​ສົ່ງ. ໃນ​ປີ 1984 ຫໍສະໝຸດ​ໄດ້​ຍ້າຍ​ຈາກ​ຕຶກ​ຫລັງຄາ​ແດງ​ມາ​ຕັ້ງ​ຢູ່​ບໍລິ​ເວນ​ເຄີ່ງ​ໜຶ່ງ​ຂອງ​ຊັ້ນ​ທີ 2 ​ເບື້ອງ​ຕາ​ເວັນ​ຕົກ​ຂອງ​ອາຄານ ຄະນະ​ອັກສອນສາດ ຫລັງ​ທີ​ໜຶ່ງ​ພາກ​ວິຊາ​ພາສາ​ອັງກິດ​ໃນ​ປະຈຸ​ບັນ. ໃນການພັດທະນາວຽກງານ ແລະ ວິຊາການຫ້ອງສະໝຸດ ພວກເຮົາກໍໄດ້ຮັບ ການຊ່ວຍເຫຼືອຈາກພາຍໃນ ແລະ ສາກົນ ເຊັ່ນ ປີ 1988-90…

Continue Reading