ປະຫວັດຄວາມເປັນມາຂອງພະແນກຫ້ອງສະໝຸດ ແລະ ຂ່າວສານຂອງຄະນະວິທະຍາສາດປ່າໄມ້

ໃນໄລຍະ 1979 – 1986 ແມ່ນຊ່ວງການພັດທະນາ ແລະ ໄດ້ຈັດຕັ້ງເປັນຫ້ອງສະໝຸດຂອງໂຮງຮຽນວິຊາການປ່າໄມ້ຊັ້ນກາງດົງໂດກ ໃນເວລານັ້ນໄດ້ມີ 2 ປະເທດໃຫ້ການຊ່ວຍເຫຼືອທາງດ້ານເຕັກນິກວິຊາການ ຄື ສະຫະພາບໂຊວຽດ ແລະ ສາທາ ລະນະລັດ ປະຊາທິປະໄຕ ເຢຍລະມັນ ແລະ ຮອດປີ 1986 ໄດ້ຍົກລະດັບໃຫ້ເປັນໂຮງຮຽນວິຊາການປ່າໄມ້ຊັ້ນສູງ, ໃນເວລານັ້ນໂຮງຮຽນແມ່ນຂືຶ້ນກັບ ກະຊວງກະສິກໍາ ແລະ ປ່າໄມ້, ໃນຊ່ວງນັ້ນປື້ມ ແລະ ເອກະສານຕ່າງໆສ່ວນໃຫຍ່ຈະເປັ ນພາສາລັດເຊຍ ແລະ ເຢບລະມັນ, ຈໍານວນປື້ມ ແລະ ເອກະສານຈະມີພຽງແຕ່ 500 ກ່ວາຊື່ເລື່ອງ ແລະ 1,500 ກ່ວາເຫຼັ້ມ ມາຮອດປີ 1994 -1995 ໂຮງຮຽນວິຊາການປ່າໄມ້ຊັ້ນສູງທີ່ດົງໂດກ ໄດ້ຮວມຕົວກັບໂຮງຮຽນກະສິກໍາ ທີ່ນາບົງ ແລະ ໄດ້ກາຍເປັນຄະນະໜຶ່ງ ເອີ້ນວ່າ ” ຄະນະກະເສດສາດ ແລະ ປ່າໄມ້ ” ຕົກມາໃນປີ 1996 ຫ້ອງສະໝຸດໄດ້ຮັບການປັບປຸງ ແລະ ພັດທະນາໃຫ້ກາຍເປັນພະແນກຫໍສະໝຸດ-ຂ່າວສານ ( ຂຽນຫຍໍ້ວ່າ ‘ ພຫສ ’ ) ຊຶ່ງເປັນພະແນກໜຶ່ງທີ່ຂື້ນກັບຄະນະວິທະຍາ ສາດປ່າໄມ້, ມະຫາວິທະຍາໄລແຫ່ງຊາດ ນະຄອນຫຼວງວຽງຈັນ ທີ່ນອນຢູ່ໃນໂຄງປະກອບການຈັດຕັ້ງຂອງຄະນະວິທະຍາ ສາດປ່າໄມ້ ຊຶ່ງມີພາລະບົດບາດໃນໃນການຈັດຕັ້ງປະຕິບັດໜ້າທີ່ວຽກງານ, ເປັນເສນາທີການໃຫ້ແກ່ ຮອງຄະນະບໍດີໃນການ ຄຸ້ມຄອງ ແລະ ຕິດຕາມພະນັກງານ, ອຸປະກອນຕ່າງໆໃນພະແນກຫໍສະໝຸດ-ຂ່າວສານ, ຄະນະວິທະຍາສາດປ່າໄມ້ໃຫ້ຖືກ ຕ້ອງ ແລະ ເໝາະສົມ.

ຈຸດປະສົງຂອງການສ້າງຫໍສະໝຸດ

ຫໍສະໝຸດມີຈຸດປະສົງອັນແນ່ນອນ ຄື ເພື່ອການຮວບຮວມສະສົມພາບ, ສິ່ງທີ່ຂິດຂຽນໜັງສື ເພື່ອຕອບສະໜອງແຫຼ່ງຂໍ້ມູນຂ່າວສານໃຫ້ແກ່ ຄູ ອາຈານ, ພະນັກງານ, ນັກຮຽນ,ນັກສຶກສາ ແລະ ນັກຄົ້ນຄ້ວາຂອງຄະນະວິທະຍາສາດປ່າໄມ້ເວົ້າສະເພາະ, ເວົ້າລວມທຸກໆຄະນະວິຊາທີ່ຢູ່ພາຍໃນມະຫາວິທະຍາໄລແຫ່ງຊາດ. ເພື່ອການດໍາເນີນການພັດທະນາແຫຼ່ງຂໍ້ມູນຂ່າວສານໃຫ້ພຽງພໍຕາມຄວາມຕ້ອງການຂອງຜູ້ມາໃຊ້ບໍລິການ.

ພາລະບົດບາດ

ພາລະບົດບານຂອງພະແນກຫໍສະໝຸດ – ຂ່າວສານ ( ຂຽນຫຍໍ້ວ່າ ‘ ພຫສ ’ ) ຊຶ່ງເປັນພະແນກໜຶ່ງທີ່ຂື້ນກັບຄະນະວິທະຍາສາດປ່າໄມ້, ມະຫາວິທມະຍາໄລແຫ່ງຊາດ ນະຄອນຫຼວງວຽງຈັນ ທີ່ນອນຢູ່ໃນໂຄງປະກອບການຈັດຕັ້ງຂອງຄະນະວິທະຍາສາດປ່າໄມ້ ຊຶ່ງມີພາລະບົດບາດໃນໃນການຈັດຕັ້ງປະຕິບັດໜ້າທີ່ວຽກງານ, ເປັນເສນາທີການໃຫ້ແກ່ ຮອງຄະນະບໍດີ ໃນການຄຸ້ມຄອງ ແລະ ຕິດຕາມພະນັກງານ, ອຸປະກອນຕ່າງໆໃນພະແນກຫໍສະໝຸດ-ຂ່າວສານ, ຄະນະວິທະຍາສາດປ່າໄມ້ ໃຫ້ຖືກຕ້ອງ ແລະ ເໝາະສົມ.

ພາສາລາວເປັນພາສາທີ່ໃຊ້ໃນການປະຕິບັດໜ້າທີ່ວຽກງານ, ສ່ວນພາສາຕ່າງປະເທດນັ້ນເຫັນວ່າມີຄວາມຈໍາເປັນໃນການ ປະຕິບັດໜ້າທີ່ວຽກງານທາງລັດຖະການ ໂດຍໄດ້ຮັບການອະນຸມັດຈາກຄະນະວິທະຍາສາດປ່າໄມ້, ມະຫາວິທະຍາໄລແຫ່ງຊາດ ກໍຄື ກະຊວງສຶກສາທິການ ແລະ ກິລາ.

ວິໄສທັດ

ພະແນກຫໍສະໝຸດ ຄະນະວິທະຍາສາດປ່າໄມ້ແມ່ນໄດ້ໃຫ້ບໍລິການ ຂໍ້ມູນຂ່າວສານທາງດ້ານວິຊາການເປັນສ່ວນໃຫຍ່ ແລະ ໃຫ້ທັນສະໃໝ່ເນັ້ນໃສ່.

ຜູ້ມາໃຊ້ບໍລິການມີຄວາມພໍໃຈ, ປະທັບໃຈ ແລະ ມີຄວາມເຊື່ອໝັ້ນໃນການບໍລິການ
ເປັນສູນລວບລວມຄວາມຮູ້ດ້ານການຮຽນ, ການສອນ, ການສຶກສາ, ການຄົ້ນຄ້ວາທາງດ້ານວິຊາການ

ໂຄງປະກອບການຈັດຕັ້ງ

ຫົວໜ້າພະແນກ 1 ທ່ານ
ຮອງຫົວໜ້າພະແນກ 2 ທ່ານ
ປະກອບດ້ວຍ 3 ໜ່ວຍງານ

– ໜ່ວຍງານຄຸ້ມຄອງ ແລະ ບໍລິການຫ້ອງອ່ານ, ການຂຽນ, ການພີມ (ກ໋ອບປີ)

– ໜ່ວຍງານຖານຂໍ້ມູນ ແລະ ຈັດໝວດໝູ່ (IT)

– ໜ່ວຍງານບໍລິຫານພະແນກ/ບໍລິການພະແນກ

ການຈັດການ ແລະ ການດໍາເນີນວຽກງານ

ນະໂຍບາຍ

ພະແນກຫໍສະໝຸດຄະນະວິທະຍາສາດປ່າໄມ້ແມ່ນໄດ້ເປີດບໍລິການທົ່ວໄປໝາຍຄວາມວ່າທຸກໆຄົນສາມາດນໍາໃຊ້ ບໍລິການໄດ້ ເຖິງແມ່ນວ່າຈະມີບັດສະມາຊິກ ຫຼື ບໍ່ມີບັດສະມາຊິກກໍ່ຕາມ, ເວັນແຕ່ຜູ້ບໍ່ແມ່ນສະມາຊິກບໍ່ສາມາດຢືມໄດ້ ແລະ ທາງພະແນກຫໍສະໝຸດກໍ່ບໍ່ໄດ້ຮັບເຮັດບັດໃຫ້ບຸກຄົນພາຍນອກ.

ລະບົບຖານຂໍ້ມູນ

ໃນປີ 1986 ລະບົບຖານຂໍ້ມູນການຈັດເກັບ ແລະ ການໃຫ້ບໍລິການແຫຼ່ງຂໍ້ມູນຂ່າວສານຫ້ອງສະໝຸດແມ່ນໄດ້ໃຊ້ວິທີການບັນທຶກເອກະສານ, ຮອດປີ 1996 ໄດ້ກາຍເປັນພະແນກຫ້ອງສະໝຸດຄະນະກະເສດສາດ ແລະ ປ່າໄມ້ ລະບົບຖານຂໍ້ມູນການຈັດເກັບແມ່ນໃຊ້ລະບົບໂປຼແກມຂອງ CDS ISIS ແມ່ນໂປຼແກມນີ້ກ່ຽວກັບລະບົບການຈັດໝວດໝູ່ຂອງຂະການປ່າໄມ້, ໃນໄລຍະນັ້ນກໍ່ໄດ້ໃຊ້ລະບົບໂປຼແກມຂອງ WIN ISIS ແລະ ລະບົບການຈັດໝວດໝູ່ແມ່ນໃຊ້ລະບົບ Forest Decimal Classification ທີ່ມີ 9 ໝວດຄື: ໝວດ 0 ຫາ ໝວດ 9. ໃນປີ 2013 ເພື່ອສະດວກໃຫ້ແກ່ຜູ້ມາໃຊ້ບໍລິການໄດ້ເຂົ້າເຖິງຂໍ້ມູນຢ່າງງ່າຍດ່າຍ ແລະ ວ່ອງໄວທາງພະນກຫໍສະໝຸດແມ່ນໃຊ້ລະບົບຖານຂໍ້ມູນໂປຼແກມ PMB ເພື່ອເກັບກໍາຂໍ້ມູນປື້ມ, ຂໍ້ມູນສະມາຊິກ, ໃຫ້ບໍລິການຄົ້ນຫາຂໍ້ມູນຂ່າວສານ ແລະ ຢືມ – ສົ່ງ. ລະບົບການຈັດໝວດໝູ່ແມ່ນໃຊ້ລະບົບທົດສະນິຍົມດີວອີ້ (DDC= Dewey Decimal Classification System) ເຊິ່ງປະກອບດ້ວຍ 10 ໝວດຄື: ໝວດ 000 ຫາ ໝວດ 999

ບຸກຄະລາກອນ

ຜູ້ຊຶ່ງໃຫ້ບໍລິການແກ່ມະຫາຊົນ ຈຶ່ງເປັນອົງປະກອບທີ່ຈະຂາດບໍ່ໄດ້ ໜັງສືເຂົ້າຫໍສະໝຸດຕ້ອງໄດ້ຮັບການເລືອກ

ເຟັ້ນເປັນຢ່າງດີ ເພື່ອໃຫ້ມີຄຸນນະພາບ ແຕ່ເມື່ອໄດ້ໜັງສືດີແລ້ວ ຈະຕ້ອງມີຜູ້ຫາວິທີໃຫ້ຄົນໄດ້ຮູ້ຈັກໃຊ້ປະໂຫຍດ ແລະ ຮູ້ຈັກໃຊໜັງສື ທັງໃຫ້ໄດ້ຮັບຄວາມສະດວກສະບາຍໃນການຄົ້ນຫາໜັງສື ດັ່ງນັ້ນຈຶ່ງຈໍາເປັນຢ່າງຍິ່ງທີ່ຈະຕ້ອງມີພະນັກ ງານ, ພະນັກງານສ່ວນໃຫຍ່ແມ່ນໄດ້ຜ່ານການຝຶກອົບຮົມໃນເລື່ອງໜັງສື, ການເລືອກ ແລະ ການຈັດເລກໝວກໝູ່ຂອງໜັງສື. ພະນັກງານຫໍສະໝຸດປະກອບມີທັງໝົດ 6 ທ່ານ

ອາຄານສະຖານທີ່

ອາຄານສະຖານທີ່ເປັນຕຶກຊັ້ນດຽວແມ່ນພະແນກໜຶ່ງທີ່ຂື້ນກັບຄະນະວິທະຍາສາດປ່າໄມ້, ເພື່ອເປັນບ່ອນເກັບ

ມ້ຽນໜັງສື ແລະ ໂສດທັດສະນະວັດສະດຸ ອຸປະກອນຕ່າງໆ ຕາມທີ່ຈໍາເປັນຕ້ອງໃຊ້, ພາຍໃນຫໍສະໝຸດປະກອບດ້ວຍ 8ຫ້ອງຄື ຫ້ອງອ່ານໜຶ່ງຫ້ອງ, ຫ້ອງເກັບປື້ມໄວ້ບໍລິການ, ຫ້ອງການ ແລະ ຫ້ອງສາງປື້ມ

ຊັບພະຍາກອນ

ຊັບພະຍາກອນແມ່ນປະກອບ ມີປື້ມທີ່ເປັນທາງວິຊາການ, ປື້ມຕໍາລາການຮຽນ ການສອນ, ບົດໂຄງການຈົບ

ຊັ້ນຂອງນັກສຶກສາປະລິນຍາຕີ, ບົດລາຍງານທາງດ້ານວິຊາການຂອງນັກສຶກສາອານຸປະລິນຍາ, ບົດວິທະຍານິພົນຂອງນັກສຶກສາໂທ ແລະ ຂອງຄູອາຈານທີຈົບຈາກພາຍໃນ ແລະ ຕ່າງປະເທດ, ນອກຈາກນັ້ນ, ຍັງມີວານລະສານ, ໜັງສືພີມ. ປື້ມທັງໝົດມີ 11,050 ເຫຼັ້ມ

ການຮ່ວມມືລະຫວ່າງຫໍສະໝຸດກັບຊຸມຊົນ

ບັນຫາ ແລະ ແນວໂນ້ມຂອງພະແນກຫໍສະໝຸດ

ພະແນກຫໍສະໝຸດ ຄະນະວິທະຍາສາດປ່າໄມ້ແມ່ນຍັງຂາດພະນັກງານທີ່ຈົບດ້ານບັນນາລັກ, ພະນັກງານຫໍສະໝຸດແມ່ນໄດ້ຜ່ານການຝຶກອົບຮົມກ່ຽວກັບ ການຈັດການ ແລະ ອື່ນໆ, ແນວໂນ້ມຂອງພະແນກແມ່ນມີທິດທາງແຜນການຢາກພັດທະນາພະແນກຫໍສະໝຸດໃຫ້ໄດ້ໃຊ້ລະບົບຂໍ້ມູນຂ່າວສານທີ່ທັນສະໄໝ່.

ເຕັກນິກການບໍລິການ

ພະແນກຫໍສະໝຸດຄະນະວິທະຍາສາດປ່າໄມ້ແມ່ນໄດ້ບໍລິການໃຫ້ບັນດາຄູອາຈານ ແລະ ນັກສຶກສານັບແຕ່ໃນຫຼັກສູດຊັ້ນສູງເຖິງປະລິນຍາເອກຂອງຄະນະວິທະຍາສາດປ່າໄມ້ຕະຫຼອດເຖິງຊ່ຽວຊານ, ແລະ ນັກວິຊາການທົ່ວໄປ, ແຂກທີ່ຂຶ້ນກັບພາກສ່ວນອື່ນຫຼືບຸກຄົນພາຍນອກທີ່ບໍ່ມີບັດສະມາຊິກບໍ່ມີສິດຢືມປື້ມແຕ່ມີສິດເຂົ້າອ່ານ ແລະ ຄົ້ນຄ້ວາໄດ້ສະເພາະແຕ່ຢູ່ໃນຫ້ອງສະໝຸດເທົ່ານັ້ນ. ຖ້າຫາກຕ້ອງການເອກະສານສາມາດນຳໃຊ້ບໍລິການອັດສຳເນົາເອກະສານຂອງຫ້ອງສະໝຸດນີ້ໄດ້, ການບໍລິການຂອງພະແນກຫ້ອງສະໝຸດຄື: